„თეთრი კვადრატი ჯიქიაზე“ თანამედროვე საცხოვრებელი კომპლექსია, რომელიც თბილისის ერთ-ერთ მოთხოვნად უბანში -საბურთალოზე, პოლიტკოვსკაიას (ყოფილი ჯიქიას) ქუჩაზე მდებარეობს.
პროექტის გამორჩეული ლოკაცია აერთიანებს ქალაქის აქტიურ ცხოვრების რიტმსა და ყოველდღიური კომფორტისთვის აუცილებელ ინფრასტრუქტურასთან სიახლოვეს. მისი მდებარეობა განსაკუთრებით მიმზიდველია მათთვის, ვინც აფასებს დინამიურ გარემოს, მარტივ გადაადგილებას და ასევე, განიხილავს უძრავი ქონების შეძენას საინვესტიციო მიზნით ან გასაქირავებლად.
19-სართულიანი საცხოვრებელი კომპლექსი აერთიანებს 283 ბინასა და სხვადასხვა ტიპის კომერციულ სივრცეებს, რაც ქმნის კომფორტულ და ფუნქციურ გარემოს როგორც მობინადრეებისთვის, ისე ბიზნეს საქმიანობისთვის.
პროექტი ხორციელდება ენერგოეფექტური სამშენებლო მასალების გამოყენებით და სრულად პასუხობს თანამედროვე საცხოვრებელი სტანდარტების მოთხოვნებს. კომპლექსი ადაპტირებულია და აღჭურვილია უსაფრთხოების თანამედროვე სისტემებით.
მობინადრეთა მაქსიმალური კომფორტისთვის შენობაში გათვალისწინებულია სარეზერვო გენერატორი, რომელიც 24 საათის განმავლობაში უზრუნველყოფს აუცილებელი სისტემების შეუფერხებელ მუშაობას - მათ შორის სახანძრო უსაფრთხოების სისტემების, სასმელი წყლის ტუმბოების, ლიფტების, პარკინგის, საერთო სივრცეებისა და შიდა ეზოს ავარიული და საევაკუაციო განათების.
კომპლექსის მშენებლობაში განსაკუთრებული ყურადღება ეთმობა ენერგოეფექტურობასა და საცხოვრებელი გარემოს ხარისხს. გარე და შიდა კედლები შესრულებულია თბოსაიზოლაციო თვისებების მქონე მასალით, რომელიც ხელს უწყობს ტემპერატურის სტაბილურ შენარჩუნებას და უზრუნველყოფს გაუმჯობესებულ ხმის იზოლაციას.
დამატებით, ბინებში დამონტაჟებული ალუმინის ორმაგი მინა-პაკეტის კარ-ფანჯრები ზრდის ენერგოეფექტურობას და ქმნის უფრო მშვიდ, თბილ და კომფორტულ საცხოვრებელ სივრცეს.
დაგვიტოვე შენი საკონტაქტო ინფორმაცია და ჩვენი წარმომადგენელი მალე დაგიკავშირდება
